مواقع لشراء اكسسوارات الموبايل

ناس كتير بتبحث عن موقع لشراء اكسسوارات الموبايل ، لأن مع التوسع الكبير في استخدام الهواتف الذكية، بقى من الضروري استخدام الاكسسوارات لحماية الهاتف وإعطائه مظهر جميل، وفي المقالة دي هننشارك معاكم أشهر مواقع شراء اكسسوارات للهواتف.

مواقع شراء اكسسوارات الموبايل :- 

مواقع الشراء الأون لاين عبر الإنترنت كتيرة جدًّا، تقدر من خلالها تشتري عدد كبير من المنتجات زي اكسسوارات الموبايل  كالجرابات وبعض الاكسسوارات التانية زي الشواحن والسماعات ووصلات ال USB، ومن أمثلة المواقع دي:- 

• موقع أمازون مصر

يعتبر موقع أمازون مصر (سوق كوم سابقًا) واحد من أكبر المتاجر الإلكترونيه في مصر والشرق الأوسط، بيحتوي الموقع على مجموعة كبيرة من المنتجات المختلفة والماركات المتنوعة. وتقدر من خلال موقع أمازون مصر تشتري اكسسوارات الهواتف بأنواعها المختلفة، وبأسعار مناسبة لجميع الفئات.

• موقع جوميا

موقع جوميا من أشهر مواقع شراء اكسسوارات الموبايل في مصر، بيحتوي موقع جوميا علي أكتر من 100000 علامة تجارية مختلفة، وأحيانًا بيوصل عدد المشترين من موقع جوميا أكتر من 10000 عميل يوميًّا، وده اللي بيخلي شراء اكسسوارات الموبايل من أسهل المنتجات اللي تقدر تشتريها من الموقع. 

• موقع نون

بيوفرلك موقع نون خيارات كتير متاحة عند الشراء سواء كان الشراء محلّي أو عن طريق الشحن الدولي. الموقع بيمتلك واجهة مستخدم بسيطة وسهلة التعامل، وكمان بيحتوي على عدد كبير من المميزات اللي بتخليه فريد عن أي موقع شراء تاني، تقدر تعمل تصفح للموقع وتختار اكسسوارات الموبايل  اللي انت محتاجها من بين عدد كبير من الخيارات المتاحة.

• موقع سبيس تن 

بيوفرلك موقع سبيس تن منتجات أصلية 100% و بالضمان الرسمى من الوكيل المعتمد للمنتجات وكثير من المنتجات الاكسسورات مثل الشواحن واالسماعات والساعات

تسوق اكسسوارات الموبايل

دايمًا بيبحث مستخدمي الهواتف الذكية عن اكسسوارات لموبايلاتهم، وعشان كده بننصح دايمًا بالمواقع اللي بتبيع اكسسوارات الموبايل على الإنترنت، لأنها بتجمع بين حاجتين مهمين، المظهر الجميل والسعر المناسب، وبيأكد عدد كبير من مستخدمي الهواتف الذكية إن اكسسوارات الموبايل اللي بيشتروها من المتاجر الإلكترونية أفضل بكتير من الاكسسوارات اللي بتتباع في المحلات التجارية العادية، واللي على الأغلب بتكون غير موثوقة من مصدرها أو المكان اللي اتصنعت فيه، أو حتى ازاي نتأكد إن المنتجات أصلية ولا تقليد، وعشان كده بننصح دايمًا بالشراء الأونلاين.

تعتبر ميزة الاسترجاع أو الاستبدال الموجودة في المواقع الأون لاين من أكتر الحاجات اللي بتميز الشراء الأونلاين عن الشراء العادي، وبالذات في مجال بيع اكسسوارات الموبايل في السنوات الأخيرة، وخاصة مع الزيادة في استخدام الهواتف الذكية والتوسع فيها بشكل مش طبيعي.

اكسسوارات الموبايل جملة في مصر

ظهرت في الفترة الأخيرة أنواع وأشكال كتير من اكسسوارات الموبايل ، وفي طرق كتيرة نقدر نحصل منها على اكسسوارات الموبايل ، مواقع شراء اكسسوارات الموبايل كتيرة ومتوفرة عبر الإنترنت، وبفضل المواقع دي أصبح من السهل شراء أعداد كبيرة من اكسسوارات الموبايل بسعر الجملة، وتعتبر تجارة اكسسوارات الموبايل الجملة من أكتر الأعمال ربحًا في مجال الإلكترونيات.

اكسسوارات الموبايل جملة تليجرام

انتشرت في الفترة الأخيرة بيع المنتجات المختلفة مثل إلكترونيات اكسسوارات الموبايل عبر مواقع التواصل الاجتماعي، ويعتبر تطبيق تيليجرام واحد من أهم التطبيقات اللي بتستخدم في بيع اكسسوارات الموبايل على الانترنت، فيقوم بائعي الجملة والقطاعي بعمل قناة أو مجموعة ع التيلجرام وإضافة عدد كبير من العملاء يقدروا من خلال المجموعة دي الاطلاع على اكسسوارات الموبايل والاستفسار عن مميزاتها وخصائصها، وكمان بتتيح ليهم التواصل المباشر مع البائع قبل طلب المنتج أونلاين.

اكسسوارات الموبايل لماركة اوبو

هاتف رينو من الهواتف الحديثة اللي بتستحوذ على النصيب الأكبر من مبيعات اكسسوارات الموبايل في العالم، بتحظى اكسسواراتها بشعبية كبيرة، ومن أشهر الاكسسوارات دي الآتي:

1- جراب خلية النحل

جراب خلية النحل من الجرابات اللي شعبيتها بتفوق أي نوع آخر من جرابات أوبو، وده عشان بتحتوي على العديد من الخصائص والمميزات اللي تجعلها الخيار الأول عند مستخدمي هاتف أوبو، من المميزات دي هي الشكل الجذاب والفريد لخلايا النحل الموجودة على ظهر الجراب، واللي بتلفت الأنظار بألوانها المتعددة، وموجودة  باللون الأخضر والأزرق والوردي والرمادي، جراب خلية النحل بيوفر حماية كبيرة للهاتف، بالذات عند الحواف والأركان اللي بتتكون على أجزاء مطاطية ضد الصدمات. 

2- سكرين برو بلس اللاصقة

في أنواع كتيرة جدًّا من الاسكرينات المناسبة لموبايل أوبو، ولكن اللي بنرشحه ليك في المقال ده هي الاسكرين المقدم من شركة برو بلس، شركة برو بلس من الشركات الرائدة في تصميم وصناعة اسكرينات الهواتف الذكية، ويعتبر موبايل أوبو هو الموبايل الأنسب للاسكرينات عالية الجودة، فبالرغم عن السعر المنخفض، فهي بتقدم أداء محترم ضد الخدوش والبصمات والبقع اللي بتتكون على الشاشة، بالإضافة لحماية شاشة الموبايل من الصدمات.

3- الجراب المغناطيسي

يعد الجراب المغناطيسي من الجرابات اللي طلعت جديد في السنوات الأخيرة، واللي ما عملتش ضجة كبيرة أول ما نزلت، ولكن مع إصدار شركة أوبو لموبايل a31، بقت الجرابات دي هي أكتر أنواع الجرابات اللي بتتباع، وده لكذا سبب، فالبرغم من السعر المرتفع للجراب المغناطيسي إلا أنه من الجرابات الأكثر مبيعًا.

4- الجرابات ثلاثية الأبعاد

الجرابات ثلاثية الأبعاد بتتميز بالأشكال والأنواع الكتيرة والمتنوعة اللي بتكون مصنوعة من خامات مختلفة وبجودات متنوعة برضو، علشان تناسب كل الأذواق، ومع التنوع الكبير ده بقت الجرابات ثلاثية الأبعاد هي الجرابات الأكتر انتشار بلا أي منافس ضدها، مش بس في فئة موبايلات أوبو؛ ولكن في معظم أنواع الموبايلات التانية.

بيتميز النوع ده من الجرابات بالمتانة العالية؛ لأنه مصنوع من طبقتين من السيليكون بخلاف الطبقة الخارجية اللي بيتم طباعة الرسم الثلاثي الأبعاد عليها. 

اكسسوارات الموبايل 2021

في أنواع الكتير والكتير من اكسسوارات الموبايلات لسنة 2021، ولكن هيفضل موبايل أوبو واحد من أكتر الهواتف تميزًا من حيث الاكسسوارات اللي بتتماشى معاه، وهنشارك معاكم مجموعة من الاكسسوارات، واللي بتعتبر الأكثر مبيعًا في الأسواق: 

أنواع الجرابات كتيرة ومتنوعة من حيث الخامات والأشكال الكتيرة، واللي بتناسب جميع الأذواق والآراء، منها:- 

• جرابات أوبو 

وده يعتبر واحد من أكثر الاكسسوارات مبيعًا بالنسبة لموبايل أوبو، وده في الولايات المتحدة ومعظم دول أوروبا، بيتميز بحماية رفيعة للجوانب ومناسبة للموبايل وعصرية في نفس الوقت، وبما إن التصميم عبارة عن ألياف من الكربون فده بيخلي حافظة الموبايل بتاعك فريدة من نوعها.

جراب أوبو بيحمي موبايلك من الخدوش والغبار والصدمات، وبكده يكون بيوفر أكبر قدر من الحماية، وطبعًا بيوفر مسكة مريحة في اليد بتمنعه من السقوط، مصنوع بحرفية عالية مع تصميم أنيق، ويعتبر هدية مثالية لو فكرت تجيبه لحد من عيلتك أو أصدقاءك.

• جرابات السيليكون ضد الصدمات

الجراب ده اتعمل مخصوص للأشخاص اللي بيدوروا على الحماية الكاملة لموبايلاتهم، وبالإضافة للتصميم البسيط والأنيق بيحتوي الجراب على مميزات كتيرة، منها مثلا إنه ضد الصدمات والخدوش أو البقع، الأزرار ومنافذ الكاميرا بيفضلوا واضحين في أماكنهم بعد تركيب الجراب، بيدي الموبايل منظر عصري، وكمان بيكون ضد البصمات، وبيديك شعور مريح في اليد، ووزن خفيف.

الخلاصة :- 

وفي النهاية نكون شاركنا معك كل المعلومات والتفاصيل اللي انت محتاج تعرفها لو فكرت في شراء اكسسوارات لهاتفك المحمول، وعرضنا تقريبا كل الخيارات المتاحة قدامك سواء كان الشراء أونلاين أو عن طريق المتاجر الإلكترونية، أو إنك تشتري عن طريق تُجّار الجملة، كل اللي عليك هو إنك تقرر الخامات والأنواع اللي انت عاوزها لموبايلك، ومتنساش تشارك المقال ده مع أصدقاءك عشان الفايدة تعم على الكل.